dil udaas bhut tha
pareshan zindagi se
berang si duniya
bhut door khushi se
tanhayi ka saagar
tooti kashti aur kinara
ek doobta suraj
chhin rha tha har sahara
khamoshi mayushi aur
ek tim-tmiata tara
baadlo se ladta
chirta andhiyara
kashmkash, uljhano se ghira hua
na aaj ki khabar, na kal ka pta
sir jhukaye baitha
haara khudi se
ik intejaar,
ummid me roshni ke
tabhi chand aaya, chamka, jagmagaya
aasma pe andhere ka, jama barf pighal gya
khatm hua intejaar, rangeen hui duniya meri
wo chand muskuraya aur sab kuch badal gya ...
No comments:
Post a Comment